Индекси на продажните цени на производителите на индустриски производи, вкупно, мај 2025 година

Индексот на продажните цени на производителите на индустриски производи, вкупно (на домашниот и на странскиот пазар), во однос на претходниот месец е 100.4. Продажните цени на производителите на индустриски производи, вкупно, се намалени во секторот Рударство и вадење на камен за 3.7 %, зголемени се во секторот Преработувачка индустрија за 0.5 %, во секторот Снабдување со електрична енергија, гас, пареа и климатизација за 0.7 %, додека остануваат непроменети во секторот Снабдување со вода; отстранување на вода, управување со отпад и дејности за санација на околината.

Во мај 2025 година, во однос на истиот месец од претходната година, индексот на продажните цени на производителите на индустриски производи, вкупно, е 105.8. Продажните цени на производителите на индустриски производи, вкупно, во секторот Рударство и вадење на камен се намалени за 5.9 %, а се зголемени во секторот Преработувачка индустрија за 5.6 %, во секторот Снабдување со електрична енергија, гас, пареа и климатизација за 18.9 % и во секторот Снабдување со вода; отстранување на вода, управување со отпад и дејности за санација на околината за 4.8 %.