Органско производство, 2023 година

Во 2023 година, со земјоделско органско производство се занимавале 888 производители.

Вкупната површина со растително органско производство изнесува 4 215 хектари, од кои 1 475 хектари се површини на органско производство во преод.

Со 51 %, односно 2 158 хектари во користената земјоделска површина со органско производство, најмногу учествуваат житните култури.

Во однос на 2022 година, органското производство на житните култури е намалено за 
5.6 %, кај индустриските култури производството е намалено за 17.0 %, кај фуражните култури производството е намалено за 8.4 %, производството на зеленчук е намалено за 42.8 %, кај овошките производството е зголемено за 16.4 % и за 4.6 % е намалено производството на органски лозови насади.

Вкупниот број на органски говеда е 7 528 грла и во вкупниот број говеда учествува со 5.1 %. 

Учеството на органски овци во вкупниот број овци изнесува 20.5 %, а органските кози учествуваат во вкупниот број кози со 5.8 %. 

Производството на органски мед во 2023 година е зголемено за 53.9 % во однос на 2022 година, а бројот на пчелни семејства во истиот период е зголемен за 15.9 %.