Органско производство, 2024 година

Во 2024 година, со земјоделско органско производство се занимавале 873 производители.

Во истиот период се регистрирани 4 130 хектари обработлива површина, од кои 1 477 хектари се површини на органско производство во преод.

Во 2024 година во однос на 2023 година обработливата површина со органско земјоделско производство е намалена за 10.0 %.

Со 1 862 хектари, најголемо учество во површините  со органско производство имаат житните култури.

Во однос на 2023 година, органското производство на житните култури е зголемено за 10.8 %, кај индустриските култури производството е намалено за 48.4 %, кај фуражните култури производството е зголемено  за 27.8 %, производството на зеленчук е намалено за 18.3 %, кај овошките производството е зголемено за 4.8 % и за 33.1 % е намалено производството на органски лозови насади.

Вкупниот број органски говеда е 9 444 грлa и во вкупниот број говеда учествува со 6.6 %.

Учеството на органски овци во вкупниот број овци изнесува 20.9 %, а органските кози учествуваат во вкупниот број кози со 5.2 %. 

Производството на органски мед во 2024 година е намалено за 9.3 % во однос на 
2023 година, а бројот на пчелни семејства во истиот период е зголемен за 1.9 %.