Риболов и аквакултура, 2023 година

Во 2023 година, вкупниот улов на риба изнесува 2 073 тони и во однос на 2022 година е поголем за 0.8 %.

Во  вкупниот улов, ладноводната риба учествува со 77.0 %, a топловодната риба со 23.0 %. Во однос на 2022 година, уловот на ладноводна риба е намален за 6.0 %, а уловот на топловодна риба е поголем за 33.1 %.

Во 2023 година во однос на 2022 година, забележано е зголемување на аквакултурното производство за 3.3 %. Аквакултурното производство изнесува 1 874 тони и учествува со 90.4 % во вкупниот улов на риба.

Во 2023 година биле произведени 121 милион парчиња икра со вкупна тежина од 189 530 кг, што е намалување за 7.5 % во однос на 2022 година. 

Од видовите риба, како подмладок најмногу се одгледува виножитната пастрмка.

За  одгледување риба најмногу се користат рибници, базени, канали и кафези.

Бројот на вработените во производството на риба во 2023 година е 222 лица, од кои 201 се мажи.

Во 2023 година, со рекреативен риболов се занимавале 9 223 лица, од кои само 66 се жени.