Производство и продажба на шумски сортименти, второ тримесечје 2025 година

Вкупното производство на шумски производи во државните шуми во второто тримесечје од 2025 година изнесува 111 019 м3 и во однос на второто тримесечје од 2024 година е зголемено за 10.7 %.

Зголемување на шумското производство е забележано кај трупците од иглолисни видови, рудничкото дрво од иглолисни видови, другото обло дрво, кај просторното и огревното дрво.

Во истиот период продажбата на шумски сортименти изнесува 97 810 м3 и бележи зголемување од 18.5 %.