Производство и продажба на шумски сортименти, четврто тримесечје 2024 година

Вкупното производство на шумски производи во државните шуми во четврто тримесечје од 2024 година изнесува 95 287 м3 и во однос на четвртото тримесечје од 2023 година е намалено за 
26.7 %.

Зголемување на шумското производство е забележано кај трупците од листопадни видови за 1.6 %, рудничкото дрво од листопадни видови за 218.6 %, другото обло дрво од иглолисни видови за 155.9 % и кај просторното дрво од иглолисни видови за 13.7 %.

Намалување на шумското производство е забележано кај трупците од иглолисни видови за 47.4 %, рудничкото дрво од иглолисни видови за 88.3 % и кај огревното дрво за 29.3 %.

Во истиот период продажбата на шумски сортименти изнесува 96 247 м3 и бележи намалување од 28.8 %.