Вредност на договорените и извршените градежни работи во странство, јануари – септември 2024 година

Во периодот јануари – септември 2024 година, вкупната вредност на договорените градежни работи во странство изнесува 343 806 илјади денари, што е за 54.3 % повеќе во споредба со истиот период од претходната година, информира Државниот завод за статистика.

Во наведениот период, градежната оператива извршила градежни работи во странство во вкупна вредност од 141 833 илјади денари, што е за 1.2 % помалку во споредба со истиот период од претходната година.

Вредносните податоци за периодот јануари – септември 2024 во однос на истиот период од 2023 година се дадени врз база на паритетот 1 САД долар = 55.6516 денари.