Индекси на прометот во индустријата, ноември 2024 година

Индексот на прометот во индустријата, вкупно, во ноември 2024 година во однос на ноември 2023 година, според главните индустриски групи, бележи пораст кај Интермедијарни производи, освен енергија за 3.0 %, Трајни производи за широка потрошувачка за 12.8 % и Нетрајни производи за широка потрошувачка за 2.9 %, додека опаѓање бележи кај Капитални производи за 20.5 %.

Индексот на прометот во индустријата, вкупно, во ноември 2024 година во однос на октомври 2024 година, изнесува 94.1, додека во периодот јануари – ноември 2024 година во однос на периодот јануари – ноември 2023 година изнесува 89.2.

Намалувањето во секторот Преработувачка индустрија е резултат, пред сѐ, на намалениот промет во следните оддели:

-    Производство на тутунски производи
-    Производство на основни фармацевтски производи и фармацевтски препарати,
-    Производство на метали,
-    Производство на фабрикувани метални производи, освен машини и опрема,
-    Производство на машини и уреди, неспоменати на друго место и 
-    Производство на моторни возила, приколки и полуприколки.

Индексот на прометот во индустријата на домашниот пазар во ноември 2024 година, во однос на ноември 2023 година, изнесува 98.7, додека на странските пазари во ноември 2024 година, во однос на ноември 2023 година, изнесува 89.9.