Природно движење на населението, прво тримесечје 2025 година, претходни податоци

Во првото тримесечје од 2025 година, во споредба со истиот период од 2024 година, бројот на живородените деца е 3 526 и е намален за 2.9 %. 
 
Бројот на умрените лица во првото тримесечје од 2025 година бележи зголемување од 3.8 % во споредба со истото тримесечје од 2024  година и изнесува  5 398 лица, а  од нив 15 се умрени доенчиња.

Природниот прираст е негативен и изнесува -1 872, што значи дека за толку  лица е помал бројот на живородените деца од  бројот на умрените лица.
  
Во ова тримесечје од годината се склучени  1 846  бракови и нивниот број е намален за 25.8 % во споредба со  истиот период од 2024 година, а регистрирани се 465 разведени бракови, што претставува  намалување од  22.1 % во споредба со истиот период од 2024 година.