Природно движење на населението, трето тримесечје 2024 година, претходни податоци

Во третото тримесечје од 2024 година живородени се 4 222 деца и во споредба со истиот период од 2023 година, нивниот број е намален за 6.1 %.

Бројот на умрените лица во третото тримесечје од 2024 година бележи намалување од 2.4 % во споредба со истото тримесечје од 2023 година и изнесува 4 724 лица, а од нив 7 се умрени доенчиња. 

Природниот прираст е негативен, односно -502 лица, што значи дека за толку лица е помал бројот на живородените деца од бројот на умрените лица. 

Во третото тримесечје од 2024 година се склучени 3 536 бракови, што претставува намалување за 12.2 % во споредба со истиот период од 2023 година. 

Во ова тримесечје од 2024 година се регистрирани 403 разведени бракови, што претставува зголемување од 24.4 % во споредба со истиот период од 2023 година.