Магистри на науки и специјалисти, 2023 година

Во 2023 година, звањето магистер на науки и специјалист го стекнале вкупно 1 828 лица, од кои
1 624 или 89 % се магистри и 204 или 11 % се специјалисти. 

Бројот на магистри и специјалисти, во споредба со 2022 година, е намален за 2.9 %.

Учеството на жените магистри, во вкупниот број лица што стекнале научен степен магистер на науки, во 2023 година е 59.8 %.

Во 2023 година, најголем број од магистерските трудови, 624 или 38.4 %, се од областите на бизнисот, администрацијата и правото, 21.6 % се од областите на инженерството, производството и градежништвото, по што следат општествените науки со 11.9 %, а останатиот дел од областите се со помал процент на застапеност.