Просечна месечна исплатена нето-плата по вработен, ноември 2024 година

Просечната месечна исплатена нето-плата по вработен, во ноември 2024 година, изнесува 41 999 денари.

Во ноември 2024 година, во однос на ноември 2023 година, просечната месечна исплатена нето-плата по вработен е повисока за 9.5 %.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација за 15.3 %, Транспорт и складирање за 12.7 % и Преработувачка индустрија за 11.2 %.

Намалување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен од 8.0 %, Дејности во врска со недвижен имот од 5.9 % и Земјоделство, шумарство и рибарство од 2.6 %.