Просечна месечна исплатена нето-плата по вработен, октомври 2024 година

Во октомври 2024 година просечната месечна исплатена нето-плата изнесува 42 134 денари.

Просечната месечна исплатена нето-плата по вработен во октомври 2024 година, во однос на октомври 2023 година, е повисока за 8.5 %.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација за 11.5 %, Информации и комуникации за 10.7 % и Образование за 10.6 %.

Зголемување на просечната месечна исплатена нето-плата по вработен, во однос на претходниот месец, е забележано во секторите: Дејности во врска со недвижен имот за 7.5 %, Образование за 5.0 % и Градежништво за 3.1 %.