Просечна месечна исплатена нето-плата по вработен, јануари 2025 година

Просечната месечна исплатена нето-плата по вработен, во јануари 2025 година, изнесува 43 050 денари.

Во јануари 2025 година, во однос на јануари 2024 година, просечната месечна исплатена нето-плата по вработен е повисока за 8.9 %.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација за 15.6 %, Административни и помошни услужни дејности за 12.0 % и Образование за 11.4 %.

Намалување на просечната месечна исплатена нето-плата по вработен, во однос на претходниот месец, е забележано во секторите: Градежништво од 6.6 %, Преработувачка индустрија од 5.4 % и Финансиски дејности и дејности на осигурување од 4.5 %.