Слободни работни места, трето тримесечје 2024 година

Стапката на слободни работни места во третото тримесечје од 2024 година изнесува 2.02 %, а најголем број, односно 1950, има во петтата група занимања Работници во услужни дејности и продажба.

Североисточниот Регион има највисока стапка на слободни работни места од 2.34 %.

Највисока стапка на слободни работни места од 3.44 % има секторот Објекти за сместување и сервисни дејности со храна, додека најмала е стапката во секторот Јавна управа и одбрана; задолжително социјално осигурување, во кој изнесува 0.11 %.

Деловните субјекти со број на вработени од 10 до 49 лица имаат највисока стапка на слободни работни места, која изнесува 3.06 %.