Лаекенски индикатори за сиромаштијата, 2021 година

Врз основа на податоците од Анкетата за приходите и условите за живеење, која се спроведува во согласност со препораките на Европската Унија, Државниот завод за статистика ги пресмета лаекенските индикатори за сиромаштија за 2021 година. Основа за пресметките на сиромаштијата се приходите, а прагот на сиромаштијата е дефиниран на 60 % од медијалниот еквивалентен приход. 

Во 2021 година, стапката на сиромашни лица во Република Северна Македонија изнесуваше 
23.0 %. 

Анализирано по типови домаќинства, стапката на сиромаштија на домаќинствата составени од двајца возрасни со две издржувани деца во 2021 година е 26.4 %. Според најфреквентниот статус на економската активност, стапката на сиромашни вработени лица е 8.9 %, додека стапката на сиромашни пензионери е 8.1 %. Коефициентот на Џини (мерка за нееднаквоста во распределбата на приходите) изнесува 30.3 %.
 
* Пресметката на податоците за сиромаштијата за 2021 година е направена врз основа на податоците од Пописот на населението, домаќинствата и становите, 2021 година. Во тек е ревизија на податоците за лаекенските индикатори за сиромаштијата за претходните години врз основа на податоците од Пописот на населението, 2021 година.