Тековни проекти
Национален проект на Шведската статистика и ДЗС „Статистиката во согласност со потребите на корисниците и европските барања“
Проектот има за цел да го подобри севкупниот капацитет на ДЗС за производство и дисеминација на квалитетни статистики, за да обезбеди зголемена достапност на статистиката во согласност со потребите на сегашните и идните корисници, како и барањата на законодавството на ЕУ во статистиката.
Проектот се состои од следниве компоненти:
Компонента 1 – Менаџмент
Зајакнато искористување на човечките ресурси преку:
- Развивање на структуриран систем за внатрешна комуникација
- Развивање и пуштање во употреба на обновен интранет
- Поддршка на ДЗС да развие нова организациска структура
- Имплементација и користење на систем за планирање и мониторинг
- Ажурирана и подобрена анкета за задоволството на корисниците
Компонента 2 – Статистичка методологија
Зајакнат капацитет за методологии преку:
- Воспоставување на функција за методолошка поддршка
- Создавање на структурирана документација за производството на статистики
- Воспоставување на програма за обука за методологија
Компонента 3 – Информатичко комуникациска технологија
Модернизирано ИКТ работење преку:
- Подготовка на политика за ИТ алатки и системи
- Развивање на програма за обука за ИКТ
- Формирање на центар за обука
- Поддршка на ДЗС за консолидирање на бази на податоци
- Понатамошно развивање на Системот за управување со безбедноста на информациите
- Пуштање во употреба на новата веб-страница
- Понатамошна поддршка на развојот на МАКСТАТ базата
Компонента 4 – Регистри
Зголемена употреба на регистри преку:
- Користење на Регистарот на вработени
- Развивање на Регистар за образование
- Изготвување на патоказ за производство на статистики засновано на регистри