Memorandum i lidhur për bashkëpunim ndërmjet Entit shtetëror të statistikës dhe Drejtorisë së Doganave

Enti Shtetëror i Statistikave do t'i shkarkojë në mënyrë elektronike të dhënat e tregtisë së jashtme nga Drejtoria e Doganave. Këtë e përcakton Memorandumi për bashkëpunim, të cilin e kanë nënshkruar drejtori i Entit Shtetëror të Statistikës, Dejan Stankov dhe drejtori i Drejtorisë së Doganave, Boban Nikollovski.

"Shkarkimi elektronik i të dhënave nga Drejtoria e Doganave është një hap jashtëzakonisht domethënës në drejtim të harmonizimit, modernizimit dhe përmirësimit të mëtejmë të sistemeve", theksoi Stankov.

Drejtori Stankov, në nënshkrimin e sotëm të Memorandumit për bashkëpunim me Drejtorinë e Doganave, theksoi se institucioni po bën përpjekje të mëdha për dixhitalizimin e proceseve dhe rritjen e përdorimit të burimeve administrative në prodhimin e të dhënave zyrtare statistikore.

Memorandumi synon të promovojë bashkëpunimin ndërinstitucional përmes shkëmbimit të të dhënave dhe një shkallë më të lartë të dixhitalizimit.

“Drejtoria e Doganave është e përkushtuar ndaj procesit të promovimit të bashkëpunimit ndërinstitucional, e cila fundja duhet të na mundësojë të krijojmë rritje të qëndrueshme ekonomike. Një hap i tillë është vetëm një pjesë e angazhimit tonë për veprim të përbashkët në drejtim të përmirësimit të kushteve për biznes. Të dhënat që ne ofrojmë në fushën e tregtisë së jashtme u mundësojnë kompanive të bëjnë hulumtime të tregut dhe të përcaktojnë strategjitë e tyre, për studime ekonomike, por edhe për promovimin e politikave tregtare në nivel shtetëror”, tha drejtori i Drejtorisë së Doganave, Boban Nikolovski.

Të dyja palët shprehën përkushtimin e tyre për thellimin e mëtejshëm të bashkëpunimit, ndërsa nënshkrimi i Memorandumit forcon dhe përmirëson praktikat tashmë të vendosura të shkëmbimit të informacionit dhe të dhënave.