Aktualitet

Nënshkrim i Memorandumit të Bashkëpunimit ndërmjet Entit Shtetëror të Statistikës dhe Fakultetit Ekonomik – Shkup

Qëllimi i bashkëpunimit është të përafrojë sektorin akademik me sektorin publik dhe të mundësoj përvojë praktike për studentët.

Më datën 30.04.2025, në Shkup, u nënshkrua Memorandum Bashkëpunimi ndërmjet Entit Shtetëror të Statistikës dhe Fakultetit Ekonomik pranë Universitetit “Shën Kirili dhe Metodi” në Shkup.

Memorandumi u nënshkrua nga drejtori i Entit Shtetëror të Statistikës, Dr. Dejan Stankov, dhe dekani i Fakultetit Ekonomik – Shkup, prof. dr. Predrag Trpeski. Me këtë dokument vendoset kornizë për bashkëpunim strategjik dhe afatgjatë me synimin për të zhvilluar dhe realizuar aktivitete me interes të përbashkët.

Sipas Memorandumit, të dy institucionet do të bashkëpunojnë në organizimin e konferencave, seminareve, trajnimeve dhe projekteve të përbashkëta; ofrimin e praktikave profesionale dhe vizitave për studentët në Ent; shkëmbimin e ligjëruesve dhe ekspertëve nga fusha përkatëse; mbështetjen për veprimtari hulumtuese dhe ngjarje të lidhura me statistikën dhe ekonominë, si dhe në iniciativa të tjera me interes të ndërsjellë.

Ky bashkëpunim synon të forcojë lidhjen ndërmjet komunitetit akademik dhe sektorit publik, si dhe t’u ofrojë studentëve mundësi për të mësuar në mënyrë praktike dhe për të aplikuar njohuritë e fituara.

Fotogaleria

Lajmet e ngjajshme dhe publikimet

Кonferenca statistikore “25 vite statistika gjinore”

Nga të dhënat e grumbulluara në mënyrë manuale deri te platformat bashkëkohore dixhitale, nga vjetarët statistikor në formë letre deri te bazat e hapura të të dhënave të disponueshme për të gjithë qytetarët – rruga që ka kaluar statistika zyrtare është me të vërtetë impresive

04 qer 2025

Akademi solemne "80 Vite Enti Shtetëror i Statistikës"

Nga të dhënat e mbledhura manualisht deri te platformat moderne dixhitale, nga librat vjetorë statistikorë në formë letre te bazat e të dhënave të hapura të disponueshme për të gjithë qytetarët - rruga që kanë ndjekur statistikat zyrtare është vërtetë mbresëlënëse

03 qer 2025