Indeksi i kostos për jetesë dhe çmimet me pakicë, janar 2026

Inflacioni i matur nëpërmjet indeksit të kostos për jetesë në muajin janar të vitit 2026, krahasuar me muajin dhjetor të vitit 2025, është -0.7%. 

 
Rënia e inflacionit në muajin janar të vitit 2026, krahasuar me muajin dhjetor e vitit 2025, është rezultat i rënies së kostos për jetesë në grupet e mëposhtme: Transport për 9.3%, Informacion dhe komunikim për 1.6%, Rekracion, sport dhe kulturë për 1.5%, Veshje dhe këpucë për 1.2%, Kujdesi personal, mbrojtja sociale dhe mallra dhe shërbime të ndryshme për 0.5%. 
      
Rritja e kostos për jetesë në muajin janar të vitit 2025, krahasuar me muajin dhjetor të vitit 2025, është rezultat i rritjes së kostos për jetesë në grupet e mëposhtme: Mobilje, pajise për shtëpi dhe mirëmbajtje e rregullt e shtëpisë, Banim, ujë, energji elektrike, gaz dhe lëndë tjera djegëse për 1.0%, Restorante dhe shërbime për akomodim për 0.7%, Shërbime për arsim, Pije alkoolike, duhani dhe narkotikë për 0.1%.

Kostoja e jetesës në grupet Sigurim dhe shërbime financiare, Kujdesi personal, mbrojtja sociale dhe mallra dhe shërbime të ndryshme, Ushqime dhe pije jo alkoolike mbetet në nivelin e njejtë si në muajin paraprak.  

Indeksi i çmimeve me pakicë në muajin janar të vitit 2026 krahasuar me muajin dhjetor të vitit 2025 është 97.3.  

Indeksi i kostos për jetesë në muajin janar të vitit 2026, krahasuar me muajin janar të vitit 2025, shënoi rritje prej 3.2%, dhe indeksi i çmimeve me pakicë shënoi rritje prej 1.2%. 

Për shkak të hyrjes në fuqi të rregulloreve drejtpërdrejt të zbatueshme të Bashkimit Evropian dhe në përputhje me rekomandimet e Eurostat-it, nga janari 2026 Indekset e kostos së jetesës dhe Indeksi i Harmonizuar i kostos së jetesës janë strukturuar sipas Klasifikimit të ri Evropian të konsumit personal sipas qëllimit (ECOICOP), versioni 2, i harmonizuar me Klasifikimin e Kombeve të Bashkuara UN COICOP 2018, pa ndryshim në qasjen metodologjike të llogaritjes së indekseve.