Studentët e regjistruar në ciklin e parë të studimeve, viti akademik 2023/2024

Numri i studentëve të regjistruar në vitin akademik 2023/2024 është 52 316 studentë, që paraqet një rënie prej 2.8% krahasuar me vitin paraprak 2022/2023. Studentet e regjistruara janë 30 704 apo 58.7%.

Numri më i madh i studentëve, 77.9%, janë regjistruar në institucionet e arsimit të lartë shtetëror, ndërsa 22.1% janë regjistruar në institucionet e arsimit të lartë privat.

Në vitin e parë të studimeve, në këtë vit akademik janë regjistruar 15 330 studentë ose 29.3% e numrit të përgjithshëm (këtu përfshihen studentët që regjistrohen në vitin e parë për herën e dytë, tretë dhe më shumë herë), ndërsa 13 676 studentë në vitin e parë janë regjistruar për herë të parë.