Sigurimi social

Të dhënat statistikore për mbrojtjen sociale të fëmijëve, të rinjve dhe të rriturve dhe për mbrojtjen e fëmijëve grumbullohen nëpërmjet hulumtimeve të rregullta vjetore.

Mbrojtja sociale përfshin të dhëna për:

• të drejtat e mbrojtjes sociale për shfrytëzuesit e mitur dhe të rritur
• institucionet për akomodimin e fëmijëve dhe të rinjve pa prindër dhe përkujdesje prindërore;
• institucionet për përkujdesjen e personave me aftësi të kufizuara në zhvillimin mendor dhe fizik;
• institucionet për kujdesin dhe edukimin e fëmijëve dhe të rinjve me probleme arsimore dhe sociale dhe sjellje të çrregullta;
• institucionet – internate për të rritur (institucione publike dhe private)
• shoqëri tregtare për punësimin e personave me aftësi të kufizuara;
• qendrat ndërkomunale për punë sociale dhe
• internate për nxënës dhe konvikte studentore.

Mbrojtja e fëmijëve përfshin të dhëna për:

• shtesat fëmijërore dhe shtesat prindërore për fëmijë
• institucionet për përkujdesjen dhe rritjen e fëmijëve - kopshte/qendra për zhvillimin e fëmijërisë së hershme (institucione shtetërore dhe private)

Të dhënat për të drejtat e mbrojtjes sociale për të miturit dhe përfituesit e rritur të mbrojtjes sociale grumbullohen me hulumtim të rregullt vjetor, me gjendje nga 1 janari deri më 31 dhjetor.

Të dhënat e objekteve për akomodimin e fëmijëve, të rinjve dhe të rriturve dhe për qendrat ndërkomunale për punë sociale janë grumbullimi përmes hulumtimit të rregullt statistikore, sipas gjendjes 31 dhjetor.

Të dhënat për internatet e nxënësve në shkollat fillore dhe të mesme, në shkollat e mesme fetare dhe për nxënësit që shkollohen jashtë vendbanimit të prindit/kujdestarit janë me gjendje 31 mars.

Të dhënat për institucionet e kujdesit dhe edukimit të fëmijëve - kopshtet/qendrat e zhvillimit të fëmijërisë së hershme janë grumbulluar përmes hulumtimit të rregullt vjetor, me gjendjen e 30 shtatorit. Institucionet e përkujdesjes dhe edukimit të fëmijëve – kopshtet/qendrat e zhvillimit të hershëm të fëmijërisë ofrojnë kujdes shëndetësor, ushqim dhe kujdes ditor për fëmijët në përputhje me nevojat e tyre zhvillimore deri në moshën 6 vjeç, në disa lloje të grupeve.

Të dhënat për shtesat fëmijërore (ndihma për fëmijë, ndihma e posaçme dhe pagesa e njëhershme në para për të porsalindurin) dhe shtesat prindërore për fëmijë (e drejtë e realizuar nga nëna për fëmijën e saj të tretë, të katërt të lindur të gjallë dhe shtesa për prind të vetëm) grumbullohen me hulumtim të rregullt vjetor, me gjendje nga 1 janari deri më 31 dhjetor.