Државниот завод за статистика воведува електронски образец за запишување на студентите на додипломски студии
Брзо и сигурно прибирање податоци за студентите преку Националниот портал за е-услуги
Државниот завод за статистика, во соработка со Министерството за дигиталнa трансформациja, воведува електронски начин на прибирање на податоците за образецот за запишување на студентите на додипломски студии (прв циклус) на факултетите и високите стручни школи во 2025/2026 година (ВОИ.20) со услуга на Националниот портал за е-услуги.
Услугата е достапна на следниов линк:
- https://uslugi.gov.mk/service/obrazec-za-zapishani-studenti-na-dodiplomski-studii-na-fakultetite-i-visokite-struchni-shkoli-voi-5793
- Како и со скенирање на QR-кодот:
Оваа услуга може да ја користат сите студенти што имаат активен кориснички профил и запишуваат година на универзитетите во нашата држава, при што ќе добијат генериран образец и потврда за успешно доставен образец, која електронски треба да ја достават до факултетската администрација.
Со користењето на оваа услуга, обврските на студентите се намалуваат, уписната процедура е побрза и поедноставна, како за студентите така и за факултетската администрација, а во исто време се добиваат и поточни, навремени и квалитетни податоци во Државниот завод за статистика.
Обезбедувајќи современи, едноставни и ефикасни начини при прибирањето на податоците, Државниот завод за статистика континуирано активно работи за подобрување на процесите и производство на навремени, квалитетни и веродостојни податоци што ќе помогнат за планирањето на образованието и ќе ја олеснат работата на факултетите, а придобивки од тоа ќе имаат студентите, институциите, како и македонското општество во целост.
Поврзани вести и соопштенија
Средба со Мисијата на Меѓународниот монетарен фонд
Се дискутираше за повеќе теми од областа на националните сметки, инфлацијата, популациските и миграциските трендови, деловните и социјалните статистики, како и за идните активности на Заводот во насока на хармонизирање со меѓународните статистички стандарди
21 фев. 2025
Средба на директорот на Државниот завод за статистика со постојаната координаторка на Обединетите нации
Главниот фокус на средбата беа Целите за одржлив развој и улогата што ја има во оваа област во државата Заводот за статистика
20 фев. 2025
Состанок со Факултетот за безбедност за утврдување на можностите за идна соработка
Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница
14 фев. 2025
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025
Билатерална посета и продлабочување на партнерството со Шведската статистика
Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.
24 јан. 2025