Панел-дискусија за улогата на финансиските извештаи во креирањето политики
Сметководствените извештаи создаваат квалитетни макроекономски статистики кои се основа за ефективни политики
Државниот завод за статистика учествуваше на панел-дискусијата „Креирање на политики, не само извештаи: редефинирање на сметководствената професија“, организирана од Комората на сметководители на Македонија на 12.12.2025 година во Скопје.
Во своето излагање, директорот на Државниот завод за статистика ја истакна потребата од зајакната соработка меѓу сметководителите, статистичарите и креаторите на политики, нагласувајќи дека поквалитетните финансиски извештаи се основа за поквалитетни макроекономски статистики и ефективни политики.
Беа презентирани напорите на државната статистика за усогласување со европските стандарди за квалитет на податоците, паралелно со намалување на административниот товар за извештајните единици, преку системски решенија и дигитализација на процесите.
Директорот упати честитки по повод 16-годишниот јубилеј на Комората на сметководителите истакнувајќи ја нејзината важна улога во унапредувањето на сметководствената професија.
На настанот поздравно обраќање имаше и заменик-министерот за економија, г. Марјан Ристески.
Фото галерија
Поврзани вести и соопштенија
Статистичките фискални податоци за брзи државни одлуки
Државниот завод за статистика (ДЗС) беше домаќин на акад. проф. д-р Абдулменаф Беџети и проф. д-р Марина Трпеска, како претставници на Фискалниот совет на Република Северна Македонија, кои беа примени од страна на д-р Дејан Станков, директор на ДЗС, на 27.03.2025 г
28 мар. 2025
Посета на ученици од Средното економско училиште „Јане Сандански“ – Битола
Оваа посета е во рамките на активностите на Заводот за подобрување на статистичката писменост помеѓу учениците
27 мар. 2025
56. сесија на Статистичката комисија на ОН – највисоко тело за одлучување за меѓународни статистички активности
Генерална тема на сесијата е „Подобри податоци, подобри животи“, а членовите на Комисијата за статистика, меѓу другото, дискутираа и усвоија две резолуции – „Систем на националните сметки 2025“ и „Светска програма за попис на населението и домувањето за 2030 година“
10 мар. 2025
Потпишување Меморандум за соработка со Американскиот колеџ
Со ова партнерство, ќе се обезбеди подобра координација и размена на информации меѓу институциите, што ќе овозможи поефикасно користење на статистичките податоци во академските истражувања и образованието.
26 фев. 2025
Состанок на Државниот завод за статистика со Институтот за економски истражувања и политики Finance Think
Целта на состанокот беше дефинирање на активности кои ќе го зголемат обемот на соработка помеѓу Државниот завод за статистика и невладиниот сектор, со посебен акцент на научната и истражувачката заедница.
24 фев. 2025