Посета на студенти од Институтот за социологија при Филозофскиот факултет – Скопје
Овој тип на соработка помеѓу академската заедница и Државниот завод за статистика е од особено значење за унапредување на знаењето и практичните вештини на идните социолози
Денес, 16.04.2025 година, група студенти од Институтот за социологија при Филозофскиот факултет во Скопје со нивните професори остварија студиска посета на Државниот завод за статистика. Посетата беше дел од редовната наставна програма и имаше за цел да ги запознае студентите со практичната примена на статистичките методи во истражувањата од областа на социологијата и општествените науки воопшто.
За време на посетата, студентите имаа можност непосредно да се запознаат со работењето на Заводот, методологијата на прибирање и обработка на податоци, како и со значењето на статистиката во креирањето јавни политики и анализи. Претставниците на ДЗС одржаа презентација со различен вид информации за статистиката, проследена со дискусија и одговори на прашања од студентите и професорите.
Овој тип на соработка помеѓу академската заедница и Државниот завод за статистика е од особено значење за унапредување на знаењето и практичните вештини на идните социолози, а ќе продолжи и во иднина, со заеднички активности што ќе придонесат за уште поблиско поврзување на теоријата и практиката.
Фото галерија
Поврзани вести и соопштенија
Средношколци од Гевгелија во посета на Државниот завод за статистика
Во рамките на своите заложби за подигнување на нивото на статистичка писменост помеѓу младите, денес, Државниот завод за статистика беше домаќин на група ученици од Средното општинско училиште „Јосиф Јосифовски“ од Гевгелија
15 ноем. 2024
Потпишан Договор за размена на податоци
Како резултат на долгогодишната успешна соработка, денес, директорите на Државниот завод за статистика, д-р Дејан Станков, и на Управата за јавни приходи, м-р Елена Петрова, потпишаа Договор за размена на податоци меѓу двете институции.
15 ноем. 2024
Продлабочување на соработката со УНИЦЕФ
Директорот на Државниот завод за статистика, г. Дејан Станков оствари средба со претставничката на УНИЦЕФ во нашата земја, г-ѓа Лесли Милер и нејзиниот тим, при што беше запознаен со тековите активности на Канцеларијата на УНИЦЕФ во Скопје.
15 ноем. 2024
Статистичките податоци усогласени со потребите на корисниците и меѓународните стандарди
Развојната цел на овој проект е официјалната статистика да се користи за креирање на политики кои ќе ги подобрат условите за живеење, како и зголемување на транспарентноста и отчетноста на јавните политики
12 ноем. 2024
Mеѓународна PxWeb конференција
Вчера и денес (7-8 ноември) во Скопје се одржува 33. Меѓународна годишна конференција за корисници за PxWeb и други Px-алатки. Државниот завод за статистика е кодомаќин на настанот, заедно со Статистика Шведска
08 ноем. 2024