Потпишан Меморандум за соработка помеѓу Државниот завод за статистика и Економскиот факултет – Скопје
Соработката има за цел да ги приближи академскиот и јавниот сектор и да овозможи практично искуство за студентите
На 30.04.2025 година, во Скопје, беше потпишан Меморандум за соработка помеѓу Државниот завод за статистика и Економскиот факултет при Универзитетот „Св. Кирил и Методиј“ во Скопје.
Меморандумот го потпишаа директорот на Државниот завод за статистика, д-р Дејан Станков и деканот на Економскиот факултет – Скопје, проф. д-р Предраг Трпески. Со овој документ се воспоставува рамка за стратегиска и долгорочна соработка со цел развој и реализација на активности од заеднички интерес.
Во согласност со Меморандумот, двете институции ќе соработуваат при организирање заеднички конференции, семинари, обуки и проекти; овозможување стручна пракса и посети на студенти во Заводот; размена на предавачи и експерти од релевантните области; поддршка при истражувачки активности и настани поврзани со статистиката и економијата и други иницијативи од заеднички интерес.
Оваа соработка има за цел да го зајакне поврзувањето меѓу академската заедница и јавниот сектор, како и да им понуди на студентите можности за практично учење и примена на стекнатите знаења.
Фото галерија
Поврзани вести и соопштенија
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025
Билатерална посета и продлабочување на партнерството со Шведската статистика
Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.
24 јан. 2025
Потпишан Меморандум за соработка помеѓу Државниот завод за статистика и Комората на сметководители
Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа.
17 јан. 2025
Државниот завод за статистика и Министерството за енергетика, рударство и минерални суровини потпишаа Меморандум за соработка
Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.
15 јан. 2025
Состанок со Активноста на УСАИД Партнерства за економски раст
На 30.12.2024 година, во просториите на Државниот завод за статистика, директорот на ДЗС, д-р Дејан Станков, имаше состанок со заменик-директорот на Активноста, г-ѓа Тамара Тодоровска и раководителот на компонентата за јавно-приватен дијалог, г-ѓа Ирена Ѓоргиевска.
30 дек. 2024