Потпишан Меморандум за соработка помеѓу Државниот завод за статистика и Факултетот за безбедност – Скопје
Директорот и вработени од Државниот завод за статистика се претставија пред присутните студенти со свои презентации поврзани со положбата и улогата на Заводот во општеството, значењето на официјалната статистика, националниот статистички систем и статистиките на криминалот
На 22 април 2025 година, во рамките на унапредувањето и зголемувањето на обемот на соработката со академската заедница, директорот на Државниот завод за статистика, д-р Дејан Станков и деканот на Факултетот за безбедност – Скопје, проф. д-р Јонче Ивановски, потпишаа меморандум за соработка што претставува прв чекор кон создавање нови можности за развој на заеднички проекти, семинари и научни активности во сферата на статистиките на криминалот.
Дополнително беа утврдени и неколку области од заеднички интерес во кои може активно да се работи, а кои се однесуваат на можноста експерти од ДЗС да учествуваат на тркалезни маси организирани од Факултетот за безбедност, презентации за студентите на Факултетот за достапноста и користењето на податоците од областа на судските статистики, користењето анонимизирани податоци за научноистражувачки цели, овозможување пракса во ДЗС за студентите од Факултетот и др.
Исто така, директорот и вработени од Државниот завод за статистика се претставија пред присутните студенти со свои презентации поврзани со положбата и улогата на Заводот во општеството, значењето на официјалната статистика, националниот статистички систем и статистиките на криминалот.
Во дискусијата беа отворени и бројни прашања за начинот на соработката при научноистражувачка работа, а за која Факултетот за безбедност – Скопје може да даде свој придонес преку својот Центар за научноистражувачка работа.
Фото галерија
Поврзани вести и соопштенија
Состанок со Факултетот за безбедност за утврдување на можностите за идна соработка
Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница
14 фев. 2025
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025
Билатерална посета и продлабочување на партнерството со Шведската статистика
Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.
24 јан. 2025
Потпишан Меморандум за соработка помеѓу Државниот завод за статистика и Комората на сметководители
Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа.
17 јан. 2025
Државниот завод за статистика и Министерството за енергетика, рударство и минерални суровини потпишаа Меморандум за соработка
Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.
15 јан. 2025