Потсетување за статистичките истражувања и прибирањето податоци

Државниот завод за статистика редовно спроведува дел од своите статистички истражувања со директно анкетирање на домаќинствата и лицата што живеат во нив. Овие анкети се важен извор на податоци за социјалните и економските состојби во Република Северна Македонија, вклучувајќи, меѓу другото, анкети за работната сила, за потрошувачката на домаќинствата, за користење на времето, како и други истражувања што ни помагаат да ја разбереме реалната слика за животот на граѓаните.

Сите анкетни истражувања се спроведуваат врз основа на строго дефинирани методолошки принципи и примероци, при што домаќинствата се избираат по случаен избор за да се обезбеди репрезентативност на податоците. Повеќе информации за начинот и постапките на прибирање на податоците се достапни на страницата Прибирање податоци

Анкетарите што реализираат разговори со граѓаните се обучени професионалци и при анкетирањето строго ги почитуваат правилата и инструкциите пропишани од ДЗС. За идентификација и безбедност, анкетарите секогаш носат овластување издадено од Државниот завод за статистика, а корисниците може да го проверат нивниот идентитет по потреба.

Ви благодариме за вашата соработка и придонес во создавањето точни и достапни официјални статистички податоци.