Новости

Состанок на Државниот завод за статистика со Институтот за економски истражувања и политики Finance Think

Целта на состанокот беше дефинирање на активности кои ќе го зголемат обемот на соработка помеѓу Државниот завод за статистика и невладиниот сектор, со посебен акцент на научната и истражувачката заедница.

На 24 февруари 2025 година, Директорот на Државниот завод за статистика одржа состанок со претставници на Институтот за економски истражувања и политики “Finance Think”. Целта на состанокот беше дефинирање на активности кои ќе го зголемат обемот на соработка помеѓу Државниот завод за статистика и невладиниот сектор, со посебен акцент на научната и истражувачката заедница.

Државниот завод за статистика и “Finance Think” потпишаа меморандум за соработка уште во 2017 година, кој беше фокусиран на зајакнување на врските со корисниците на статистичките податоци од областа на научните истражувања и политиките.

Состанокот има за цел да го прошири ова партнерство и да ги дефинира новите активности и можности за активно учество на невладиниот сектор во споделување на податоци, истражувања и ресурси, со цел унапредување на јавната политика и развојот на економски стратегии.

Состанокот беше продуктивен и даде нови насоки за зголемување на соработката во иднина, со фокус на инклузивност и активна улога на невладиниот сектор во користењето на статистичките податоци за економски и социјални истражувања.

Поврзани вести и соопштенија

Отворен нов Центар за обука со поддршка од Шведската статистика

Центарот овозможува современи услови за едукација, соработка и професионален развој во статистиката, достапен е за вработените во Заводот, како и за академската заедница, медиумите и други корисници на статистички податоци

10 апр. 2025

Статистичките фискални податоци за брзи државни одлуки

Државниот завод за статистика (ДЗС) беше домаќин на акад. проф. д-р Абдулменаф Беџети и проф. д-р Марина Трпеска, како претставници на Фискалниот совет на Република Северна Македонија, кои беа примени од страна на д-р Дејан Станков, директор на ДЗС, на 27.03.2025 г

28 мар. 2025

56. сесија на Статистичката комисија на ОН – највисоко тело за одлучување за меѓународни статистички активности

Генерална тема на сесијата е „Подобри податоци, подобри животи“, а членовите на Комисијата за статистика, меѓу другото, дискутираа и усвоија  две резолуции – „Систем на националните сметки 2025“ и „Светска програма за попис на населението и домувањето за 2030 година“

10 мар. 2025