Средба со Амбасадорот на Република Чешка – потенцирана континуираната соработка помеѓу македонскиот и чешкиот статистички систем
Беше истакнато дека ваквите партнерства претставуваат важна основа за развој на современи, ефикасни и доверливи статистички системи што е од суштинско значење за креирање на квалитетни политики и за транспарентно информирање на јавноста
На 1 декември 2025 година, Директорот на Државниот завод за статистика, д-р Дејан Станков оствари работна средба со Амбасадорот на Република Чешка во Република Северна Македонија, неговата екселенција г.Јарослав Лудва. Средбата претставуваше можност за афирмација на исклучително добрата соработка што повеќе од две децении се гради меѓу Државниот завод за статистика и Чешкиот завод за статистика.
Во пријатна и конструктивна атмосфера, соговорниците разговараа за значењето на меѓународната статистичка соработка и за позитивните резултати што произлегуваат од споделените искуства и поддршката која двете институции ја негуваат во текот на годините. Беше истакнато дека ваквите партнерства претставуваат важна основа за развој на современи, ефикасни и доверливи статистички системи што е од суштинско значење за креирање на квалитетни политики и за транспарентно информирање на јавноста.
Директорот и Амбасадорот ја потврдија подготвеноста за продолжување на соработката и за иницирање нови активности кои ќе придонесат за уште поголемо унапредување на билатералните односи. Средбата заврши со заемна оценка дека партнерството меѓу двете статистички институции е пример за успешна и долгорочна институционална соработка.
Поврзани вести и соопштенија
Состанок со Факултетот за безбедност за утврдување на можностите за идна соработка
Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница
14 фев. 2025
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025
Билатерална посета и продлабочување на партнерството со Шведската статистика
Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.
24 јан. 2025
Потпишан Меморандум за соработка помеѓу Државниот завод за статистика и Комората на сметководители
Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа.
17 јан. 2025
Државниот завод за статистика и Министерството за енергетика, рударство и минерални суровини потпишаа Меморандум за соработка
Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.
15 јан. 2025