Средба со Мисијата на Меѓународниот монетарен фонд
Се дискутираше за повеќе теми од областа на националните сметки, инфлацијата, популациските и миграциските трендови, деловните и социјалните статистики, како и за идните активности на Заводот во насока на хармонизирање со меѓународните статистички стандарди
На 13.02.2025 година во просториите на Државниот завод за статистика се одржа состанок помеѓу експерти од Државниот завод за статистика и претставници од Меѓународниот монетарен фонд (ММФ) од Вашингтон.
Нашата земја е дел од највисокиот статистички стандард за дисеминација на податоци на ММФ – СДДС плус, што е потврда за квалитетот на официјалните статистички податоци. ДЗС како координатор на овие активности високо ја цени соработката со ММФ.
На почетокот на состанокот, директорот на Државниот завод за статистика, д-р Дејан Станков, ги информира претставниците на ММФ за преземените активности во функција на јакнење на статистичкиот систем на земјата. Директорот Станков ја истакна важноста на квалитетните статистички податоци во процесот на креирање развојни политики во државата. Се дискутираше за повеќе теми од областа на националните сметки, инфлацијата, популациските и миграциските трендови, деловните и социјалните статистики, како и за идните активности на Заводот во насока на хармонизирање со меѓународните статистички стандарди.
Соработката со ММФ ќе продолжи и во иднина, сè со цел развивање современ и силен национален статистички систем, усогласен со највисоките меѓународни статистички стандарди.
Поврзани вести и соопштенија
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025
Билатерална посета и продлабочување на партнерството со Шведската статистика
Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.
24 јан. 2025
Потпишан Меморандум за соработка помеѓу Државниот завод за статистика и Комората на сметководители
Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа.
17 јан. 2025
Државниот завод за статистика и Министерството за енергетика, рударство и минерални суровини потпишаа Меморандум за соработка
Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.
15 јан. 2025
Состанок со Активноста на УСАИД Партнерства за економски раст
На 30.12.2024 година, во просториите на Државниот завод за статистика, директорот на ДЗС, д-р Дејан Станков, имаше состанок со заменик-директорот на Активноста, г-ѓа Тамара Тодоровска и раководителот на компонентата за јавно-приватен дијалог, г-ѓа Ирена Ѓоргиевска.
30 дек. 2024