Државниот завод за статистика воведува електронски образец за запишување на студентите на додипломски студии
Брзо и сигурно прибирање податоци за студентите преку Националниот портал за е-услуги
Државниот завод за статистика, во соработка со Министерството за дигиталнa трансформациja, воведува електронски начин на прибирање на податоците за образецот за запишување на студентите на додипломски студии (прв циклус) на факултетите и високите стручни школи во 2025/2026 година (ВОИ.20) со услуга на Националниот портал за е-услуги.
Услугата е достапна на следниов линк:
- https://uslugi.gov.mk/service/obrazec-za-zapishani-studenti-na-dodiplomski-studii-na-fakultetite-i-visokite-struchni-shkoli-voi-5793
- Како и со скенирање на QR-кодот:
Оваа услуга може да ја користат сите студенти што имаат активен кориснички профил и запишуваат година на универзитетите во нашата држава, при што ќе добијат генериран образец и потврда за успешно доставен образец, која електронски треба да ја достават до факултетската администрација.
Со користењето на оваа услуга, обврските на студентите се намалуваат, уписната процедура е побрза и поедноставна, како за студентите така и за факултетската администрација, а во исто време се добиваат и поточни, навремени и квалитетни податоци во Државниот завод за статистика.
Обезбедувајќи современи, едноставни и ефикасни начини при прибирањето на податоците, Државниот завод за статистика континуирано активно работи за подобрување на процесите и производство на навремени, квалитетни и веродостојни податоци што ќе помогнат за планирањето на образованието и ќе ја олеснат работата на факултетите, а придобивки од тоа ќе имаат студентите, институциите, како и македонското општество во целост.
Поврзани вести и соопштенија
Светскиот ден на статистиката одбележан со меѓународна научна конференција во Будимпешта

Статистиката и науката – партнери за подобра иднина
21 окт. 2025
Потпишан договор за размена на податоци со Агенцијата за вработување

Јакнење на статистичкиот систем преку размена на податоци меѓу клучни институции
17 окт. 2025
Меѓународна конференција за применети економски истражувања на Економскиот факултет при УКИМ

Со новите дигитални решенија и стандарди, статистиката станува клучна алатка за модерно и одговорно управување
03 окт. 2025
ДЗС учествуваше на состанок на Групата за статистичка соработка во Анкара

Разгледани приоритетите за усогласување со ЕУ и идната статистичка соработка
25 септ. 2025
Успешно одржан настанот за твининг-проектот финансиран од Европската Унија: „Подобрување на квалитетот и опфатот на статистиките за животна средина и здравствените статистики“

Една година од твининг-проектот: размена на искуства и постигнувања во унапредувањето на статистиката
19 септ. 2025