Демографија на претпријатијата, 2024 година

Во 2024 година се регистрирани 6 439 нови  претпријатија, што претставува 9.3 % од вкупно активните, пазарноориентирани претпријатија во рамките на деловниот сектор.¹⁾

Во однос на 2023 година е забележано зголемување на бројот на новосоздадените претпријатија за 2.9 %.

Овие претпријатија ангажираат  10 697 лица, што претставува намалување за 28.1 % во однос на претходната година. Без вработени лица биле 27.2 % од новосоздадените претпријатија. 

Од вкупниот број активни претпријатија, во 2023 година згаснале 6.2 %, односно 4 175, главно, во секторот Трговија на големо и мало.
______________________________________
¹⁾ Сектори на дејности од Б до О според НКД, рев. 2., освен A, Љ, П и Р.