Риболов и аквакултура, 2025 година

Вкупното производство и уловот на риба во 2025 година изнесуваа 1 992 тони, што претставува намалување од 19.5 % во споредба со претходната година.

Производството од аквакултура во 2025 година изнесува 1 847 тони и бележи намалување за 21.0 % во споредба со 2024 година.

Во истиот период уловот од внатрешни води изнесува 145 тони и бележи зголемување од 5.1 %.

Во рамките на аквакултурното производство, произведени се 126 781 килограм подмладок и 15.1 милион парчиња икра.

Од видовите риба, како подмладок најмногу се одгледува виножитната пастрмка.

За  одгледување риба најмногу се користат рибници, базени и канали и кафези.

Во 2025 година, во  секторот Рибарство и аквакултура се вработени 278 лица, од кои 129 во аквакултурата и 149 лица во рибарството.

 Истата година, со рекреативен риболов се занимавале 8 503 лица, од кои само 70 биле жени.