Државен завод за СТАТИСТИКА

Пазар на трудот

Воспоставувањето сеопфатен статистички информативен систем за пазарот на трудот е една од приоритетните развојни цели на Државниот завод за статистика. 

Статистиката на пазарот на трудот овозможува да се разгледа вклученоста на поединците, домаќинствата и претпријатијата на пазарот на трудот, како во краток рок, така и во структурни услови. Покрај аспектот на економската активност (продуктивност, трошоци за труд, ниво на плата...), статистиката на пазарот на трудот, исто така, е важна за разгледување на социоекономските прашања, како што се невработеноста, структурата на платите според карактеристиките на вработените.

Анкетата за работната сила овозможува перцепција на ситуацијата и следење на промените на пазарот на трудот преку меѓународно утврдени показатели, вклучувајќи ја стапката на вработеност и стапката на невработеност. Покрај тоа, ова истражување дава преглед на социодемографските карактеристики на вработените, невработените и населението надвор од работната сила и е единствен извор на информации за неформалното вработување.

Истражувањето за платите обезбедува месечни податоци за висината и движењето на просечните бруто и нето-плати.

Анкетата за цената на трудот обезбедува информации за платите и за останатите трошоци, земени како трошок на работодавецот за вработените, а не како примања на вработените.

Анкетата за структурата на заработувачката обезбедува информации  за платите и останатите заработувачки, земени како приход на вработените исплатен од страна на работодавачот. 
Овие податоци се неопходни за следење на промените на пазарот на трудот.

Индикатори

Стапка на слободни работни места 2.08 % второ тримесечје 2025 година

Стапка на вработеност 46.2 % Второ тримесечје 2025 година

Просечна нето-плата 45 310 денари август 2025 година

Индекс на просечната месечна нето плата 110.3 индекс август 2025 година во однос на истиот период претходната година

Најнови соопштенија

Сите соопштенија →

Активно население, второ тримесечје 2025 година

Бројот на невработени лица во второто тримесечје од 2025 година е намален за 1.3 % во споредба со првото тримесечје од 2025 година, додека за 7.2 % е намален во споредба со истото тримесечје од минатата година

05 септ. 2025

Референтни метаподатоци (ESMS)

Прашалници (Обрасци)