Drejtori i Entit Shtetëror të Statistikës në konferencë ndërkombëtare për informacionet gjeohapësinore në Kishinau, Moldavi
U prezantuan përvojat dhe zgjidhjet e reja të ESHS për avancimin e prodhimit dhe diseminimit të të dhënave statistikore
Në kuadër të vizitës në Kishinau, Moldavi, drejtori i Entit Shtetëror të Statistikës (ESHS), dr. Dejan Stankov, më 24 shtator 2026 mori pjesë në konferencën ndërkombëtare të nivelit të lartë „Shfrytëzimi i informacioneve gjeohapësinore për prodhim dhe diseminim të avancuar të të dhënave statistikore në mbështetje të integrimit në BE“, të organizuar nga Byroja Kombëtare e Statistikës së Moldavisë, me mbështetjen e Eurostatit.
Në Konferencë morën pjesë përfaqësues të Eurostatit, organizatave ndërkombëtare, institucioneve kombëtare të statistikës dhe institucioneve përgjegjëse për informacionet gjeohapësinore, me qëllim shkëmbimin e përvojave dhe praktikave të mira për integrimin e informacioneve statistikore dhe gjeohapësinore dhe përdorimin e tyre për modernizimin e statistikave zyrtare.
Temë kryesore e Konferencës ishte integrimi i të dhënave statistikore dhe hapësinore si faktor i rëndësishëm për avancimin e prodhimit dhe diseminimit të statistikave zyrtare. Informacionet gjeohapësinore ofrojnë dimensionin e rëndësishëm të të dhënave statistikore „KU“, duke mundësuar prodhimin e informacioneve statistikore më relevante, më të detajuara dhe të pasuruara në aspektin hapësinor, si dhe përmirësimin e qasshmërisë dhe përdorshmërisë së tyre.
Konferencën e hapën z. Oleg Kara, drejtor i përgjithshëm i Byrosë Kombëtare të Statistikës së Moldavisë, dhe znj. Kristina Gerasimov, zëvendëskryetare e Qeverisë së Republikës së Moldavisë, përgjegjëse për integrimin evropian. Në Konferencë fjalim mbajti edhe drejtoresha e Eurostatit, znj. Mariana Koceva, e cila theksoi rëndësinë gjithnjë e më të madhe të të dhënave gjeohapësinore dhe mundësitë që ofrojnë arritjet bashkëkohore teknologjike për integrimin e tyre me informacionet statistikore.
Në kuadër të Konferencës, dr. Dejan Stankov prezantoi përvojat dhe aktivitetet e planifikuara të Entit Shtetëror të Statistikës, me theks të veçantë në zhvillimin e zgjidhjeve të reja bashkëkohore për diseminimin dhe lehtësimin e qasjes në të dhënat statistikore zyrtare.
Në këtë kontekst, u prezantua edhe produkti i ri i Entit Shtetëror të Statistikës – Asistenti Statistikor me inteligjencë artificiale, një zgjidhje e bazuar në inteligjencën artificiale, e cila u mundëson përdoruesve të kenë qasje në të dhënat statistikore zyrtare nga baza MAKSTAT përmes gjuhës natyrore, pa pasur nevojë të njohin strukturën e bazës së të dhënave ose terminologjinë specifike statistikore.
Drejtori i Entit Shtetëror të Statistikës pati nderin të moderojë sesionin „Sfidat që lidhen me qasshmërinë në banim – përgatitjet për Regjistrimin e popullsisë dhe banesave, 2031“, kushtuar sfidave që lidhen me qasshmërinë në banim dhe përgatitjeve për Regjistrimin e popullsisë dhe banesave në vitin 2031.
Pjesëmarrja e drejtorit të ESHS-së në këtë Konferencë paraqet kontribut në shkëmbimin e përvojave dhe avancimin e bashkëpunimit ndërkombëtar në fushën e modernizimit të statistikave zyrtare, zbatimit të teknologjive inovative dhe integrimit të burimeve të ndryshme të të dhënave, me qëllim përmirësimin e cilësisë, relevancës dhe qasshmërisë së të dhënave statistikore dhe mbështetjen e procesit të integrimit evropian.
Fotogaleria
Lajmet e ngjajshme dhe publikimet
Takim i Entit Shtetëror të Statistikës me përfaqësues të Fondit Monetar Ndërkombëtar
Diskutime mbi përparimin në fushat e llogarive kombëtare, statistikave të popullsisë dhe statistikave të çmimeve, në kuadër të bashkëpunimit me Fondin Monetar Ndërkombëtar.
16 nën 2026
Ditën Evropiane të Statistikës e shënuam së bashku me studentët
Këtë vit, kur shënohet dhjetëvjetori i Ditës Evropiane të Statistikës, theks i veçantë iu kushtua afrimit të statistikës me studentët dhe forcimit të bashkëpunimit me komunitetin akademik.
22 tet 2026
Eurostat në vizitë në Entin Shtetëror të Statistikës
Në periudhën nga 19 deri më 21 tetor 2026, Enti Shtetëror i Statistikës (ESHS) ishte nikoqir i misionit të dytë vjetor të Eurostatit për vitin 2026
22 tet 2026
Vazhdon bashkëpunimi i suksesshëm ndërmjet Entit Shtetëror të Statistikës dhe Entit Çek të Statistikës
Shkëmbimi i përvojave dhe praktikave të mira, avancimi i metodologjive statistikore dhe krijimi i mundësive të reja për bashkëpunim dypalësh
08 tet 2026
U mbajt trajnim për Vlerësimin e Partneritetit për bartësit e autorizuar në Sistemin Kombëtar Statistikor
Vlerësimi i Partneritetit është një nga aktivitetet strategjike të Eurostatit, përmes të cilit vlerësohet përputhshmëria e Sistemit Kombëtar Statistikor me Kodin e Praktikës së Statistikave Evropiane
02 tet 2026