Enti Shtetëror i Statistikës nënshkruan marrëveshje të re kolektive me Sindikatën e punonjësve të administratës, organeve gjyqësore dhe shoqatave të qytetarëve

Sot, më 31.03.2026, Enti Shtetëror i Statistikës (ESHS) nënshkroi marrëveshje të re kolektive me Sindikatën e punonjësve të administratës, organeve gjyqësore dhe shoqatave të qytetarëve (UPOZ), e cila sjell ndryshime të rëndësishme për punonjësit e Entit. Paga e punonjësve do të rritet, ndërsa të drejtat dhe përfitimet do të zgjerohet, duke siguruar më shumë siguri, stabilitet dhe mundësi për zhvillim profesional. Marrëveshjen e nënshkruan drejtori i ESHS, dr. Dejan Stankov, kryetari i Sindikatës UPOZ, z. Trpe Deanoski dhe kryetari i organizatës sindikale në ESHS, z. Zoran Georgievski.

Sipas marrëveshjes së re, pagat e punonjësve do të rriten për 7% nga 1 marsi i këtij viti 2026, si përqindje shtesë mbi harmonizimin ligjor. Për më tepër, parashikohet rritje e vazhdueshme edhe në vitet në vijim 7% rritje nga 1 marsi i vitit 2027, si dhe 7% rritje nga 1 marsi i vitit 2028 dhe plus harmonizimi ligjor me pagën minimale për çdo vit.

Kjo marrëveshje vlerëson punën dhe përkushtimin e punonjësve dhe kontributin e tyre në zhvillimin dhe funksionimin e institucionit. Masat e reja përmirësojnë standardin dhe krijojnë kushte më të mira për arritjen e qëllimeve të vendosura të Entit.