Hapet Qendra e Re për Trajnim me mbështetje nga Statistika e Suedisë

Më 9 prill 2025, në ambientet e Entit Shtetëror të Statistikës, u hap në mënyrë ceremoniale Qendra e Re për Trajnim, realizuar me mbështetje nga Enti i Statistikave të Suedisë përmes programit të bashkëpunimit zhvillimor të Agjencisë Suedeze për Zhvillim Ndërkombëtar – SIDA.

Qendra paraqet një hapësirë moderne për trajnime, shkëmbim njohurish dhe zhvillim profesional në fushën e statistikës zyrtare, e dedikuar si për punonjësit e Entit, ashtu dhe për bashkëpunëtorët e jashtëm, studiuesit akademikë, gazetarët dhe për të gjithë përdoruesit e interesuar të të dhënave statistikore.
Me hapjen e kësaj qendre, Enti Shtetëror të Statistikës po bën një hap të rëndësishëm për forcimin e kapaciteteve institucionale, avancimin e kulturës statistikore dhe afrimin me standardet evropiane dhe ndërkombëtare për prodhimin dhe shpërndarjen e të dhënave.

Në ceremoninë e hapjes morën pjesë drejtori i Entit Shtetëror të Statistikës, dr. Dejan Stankov dhe punonjës të Entit, ambasadorja e Mbretërisë së Suedisë në Maqedoninë e Veriut, znj. Ami Larson Jain, përfaqësues të ambasadës, ekspertët e angazhuar nga Enti i Statistikave të Suedisë në këtë projekt, znj. Maj Erikson Gote dhe z. Lars Johan Soderberg, si dhe partnerët që marrin pjesë në procesin e zhvillimit të sistemit kombëtar statistikor të Maqedonisë.
Enti Shtetëror i Statistikës shpreh mirënjohje të madhe për Entin e Statistikave të Suedisë dhe programin SIDA për mbështetjen e vazhdueshme, me të cilën realizohen qëllimet strategjike dhe iniciativat zhvillimore në fushën e statistikës së Maqedonisë.