Përkujtim për hulumtimet statistikore dhe grumbullimin e të dhënave

Enti Shtetëror i Statistikës zbaton rregullisht një pjesë të hulumtimeve të tij statistikore përmes anketimit të drejtpërdrejtë të amvisërive dhe personave që jetojnë në to. Këto anketa përbëjnë burim të rëndësishëm të dhënash mbi gjendjet sociale dhe ekonomike në Republikën e Maqedonisë së Veriut, duke përfshirë, ndër të tjera, anketën e fuqisë punëtore, anketën e shpenzimeve të amvisërive, anketën për përdorimin e kohës, si dhe hulumtime të tjera që na ndihmojnë të kuptojmë pasqyrën reale të jetës së qytetarëve.

Të gjitha hulumtimet anketuese zbatohen në bazë të parimeve metodologjike dhe mostrave të përcaktuara, ku amvisëritë përzgjidhen në mënyrë të rastësishme për të siguruar përfaqësueshmërinë e të dhënave. Më shumë informacione mbi mënyrën dhe procedurat e mbledhjes së të dhënave janë të disponueshme në faqen Grumbullimi i të dhënave

Anketuesit që zhvillojnë intervistat me qytetarët janë profesionistë të trajnuar dhe gjatë anketimit i respektojnë rregullat dhe udhëzimet e përcaktuara nga Enti Shtetëror i Statistikës. Për qëllime identifikimi dhe sigurie, anketuesit gjithmonë mbajnë autorizim të lëshuar nga Enti Shtetëror i Statistikës, ndërsa qytetarët mund të verifikojnë identitetin e tyre sipas nevojës.

Ju falënderojmë për bashkëpunimin dhe kontributin tuaj në krijimin e të dhënave statistikore zyrtare të sakta dhe të qasshme.