Pjesëmarrja në konferencën me temë “Zgjerimi i BE-së – roli i statistikës zyrtare të krahasueshme dhe të besueshme”

Më 11 dhe 12 shtator, delegacioni nga Enti Shtetëror për Statistikë, i udhëhequr nga drejtori, doc. dr. Dejan Stankov, mori pjesë në konferencën e nivelit të lartë “Zgjerimi i BE-së – roli i statistikave zyrtare të krahasueshme dhe të besueshme”, e cila u mbajt në Burgas, Republika e Bullgarisë. Në konferencë morën pjesë drejtoresha e Entit Statistikor të Bashkimit Evropian, znj. Mariana Koceva, si dhe drejtorët e enteve statistikore të Sllovenisë, Kroacisë, Bullgarisë, Rumanisë, Polonisë, Greqisë, vendeve të zgjerimit dhe përfaqësues të Fondit për Popullsi të Kombeve të Bashkuara.
Diskutimet u përqendruan në disa nga temat më të rëndësishme për të ardhmen e integrimit evropian, duke përfshirë:

• Sfidat dhe mundësitë e zgjerimit të BE-së.
• Forcimi i komunikimit të statistikave zyrtare.
• Shfrytëzimi i burimeve të reja të të dhënave për krijimin e politikave të bazuara në dëshmi.
• Roli i vlerësimit të partneritetit (peer review) në sigurimin e cilësisë, pavarësisë dhe besimit.

Statistikat e besueshme dhe të krahasueshme nuk janë vetëm shifra – ato janë themel i vendimmarrjes së informuar, i besimit të ndërsjellë dhe i përparimit në rrugën drejt BE-së.

Konferenca ishte një forum i shkëlqyer për shkëmbimin e ideve në kuadër të bashkëpunimit ndërkombëtar për forcimin e Sistemit Statistikor Evropian dhe mbështetjen e procesit të zgjerimit.