Enti Shtetëror i STATISTIKËS

Aktualitet

Takim edukativ me nxënësit e vitit të dytë nga SHME “Jane Sandanski” – Manastir

Njohje praktike me statistikat zyrtare në kuadër të programit mësimor

Në kuadër të aktiviteteve për avancimin e shkrim-leximit statistikor te të rinjtë, më 29 prill të vitit 2026, Enti Shtetëror i Statistikës ishte nikoqir i nxënësve dhe profesorëve nga SHME “Jane Sandanski” nga Manastiri.

Gjatë vizitës, nxënësit patën mundësinë të njihen më në detaje me rolin e Entit si bartësi kryesor i statistikave zyrtare në vend, si dhe me rëndësinë e tij në proceset e grumbullimit, përpunimit dhe diseminimit të të dhënave.

Përmes një prezantimi interaktiv, atyre iu prezantuan proceset kryesore statistikore dhe mjetet bashkëkohore që përdoren në punë, me theks të veçantë në web-faqen e Entit dhe bazën e të dhënave MakStat. Nxënësit patën mundësi edhe të mësojnë në mënyrë praktike si të kenë qasje në informacione relevante statistikore dhe si t’i zbatojnë ato në kuadër të aktiviteteve të tyre mësimore në ekonomi dhe statistikë.

Vizita u zhvillua në atmosferë interaktive, me përfshirje aktive të nxënësve përmes pyetjeve dhe diskutimeve, si dhe përmes një mini-kuizi, që kontribuoi në rritjen e kuptimit të rëndësisë së statistikës në shoqërinë bashkëkohore.

Enti Shtetëror i Statistikës do të vazhdojë edhe më tej me aktivitete të tilla edukative, me qëllim nxitjen e interesit te të rinjtë për përdorimin dhe interpretimin e saktë të të dhënave statistikore.

Fotogaleria

Lajmet e ngjajshme dhe publikimet

Dita Evropiane e Statistikave – 20 tetor 2024

E nënta me radhë, Statistikave Evropiane (20 tetor 2024) do të kremtohet nën moton e mëposhtme të zgjedhur nga Komiteti Këshillimor Statistikor Evropian: "Statistikat zyrtare, dritare për të kuptuar shoqërinë".

18 tet 2024

Misioni i vlerësimit vjetor të Eurostatit

Nga data 16 deri më 18 tetor 2024 u mbajt misioni i rregullt vjetor për vlerësimin e punës së Sistemit Kombëtar të Statistikave, i realizuar nga Enti Statistikor i Bashkimit Evropian – Eurostat.

18 tet 2024