Çmimi i energjisë elektrike, gazit natyror në gjysmëvjetorin e parë të vitit 2026

Në gjysmëvjetorin e parë të vitit 2026, çmimi mesatar i energjisë elektrike për amvisëritë ishte 7.427 denarë për kWh, që paraqet rritje prej 1.3 % krahasuar me gjysmëvjetorin e dytë të vitit 2025.

Te konsumatorët fundorë, përveç amvisërive, çmimi mesatar i energjisë elektrike pa TVSH lëviz nga 6.379 deri në 16.368 denarë/kWh, varësisht nga grupi i përcaktuar sipas konsumit vjetor të energjisë elektrike. Krahasuar me gjysmëvjetorin e dytë të vitit 2025, rënie e çmimit mesatar është shënuar te të gjitha grupet e konsumatorëve, përveç konsumatorëve me konsum vjetor më të vogël se 20 MWh dhe konsumatorëve me konsum vjetor nga 70 000 deri në 150 000 MWh.
Çmimi mesatar i gazit natyror, pa tatimin mbi vlerën e shtuar, te konsumatorët fundorë (përveç amvisërive) lëviz nga 735.354 deri në 1 466.965 denarë për GJ, varësisht nga grupi i përcaktuar sipas konsumit vjetor të gazit natyror. Krahasuar me gjysmëvjetorin e dytë të vitit 2025, te të gjitha grupet e konsumatorëve është shënuar rritje e çmimit mesatar, e cila lëviz nga 8.0 % deri në 17.8 %.

Çmimi mesatar i shitjes me pakicë i gazit natyror për amvisëritë ishte 1 832.7 denarë/GJ dhe shënon rënie prej 6.9 %.