Одбележани две децении од воспоставувањето на Кодексот на европската статистичка практика
Европските статистички институции разменија искуства и добри практики за унапредување на довербата во официјалната статистика
По покана на генералната директорка на Евростат, Мариана Коцева, директорот на Државниот завод за статистика, д-р Дејан Станков, присуствуваше на конференција посветена на 20-годишнината од донесувањето на Кодексот на европската статистичка практика. Настанот, организиран од Евростат, се одржа на 6 и 7 ноември 2025 година во седиштето на Европската комисија – „Берлемон“ во Брисел, Белгија.
На конференцијата учествуваа претставници на националните статистички служби од Европскиот статистички систем, како и експерти од Европската комисија, Европскиот парламент, претседателството на Советот на Европската Унија и други релевантни институции и корисници на официјални статистички податоци.
Настанот претставуваше можност за размена на искуства и согледувања за влијанието на Кодексот врз развојот на европската статистика, како и за постигнувањата во изминатите две децении од неговото воведување.
Во рамките на конференцијата, д-р Станков оствари средби и разговори со претставници на статистички институции од земјите членки на Европската Унија, при што беа споделени искуства поврзани со унапредувањето на професионалната независност и зајакнувањето на довербата во официјалната статистика.
Кодексот на европската статистичка практика се состои од 16 принципи и 84 индикатори, кои ги утврдуваат стандардите за развој, производство и дистрибуција на европската статистика. Принципите ги опфаќаат институционалната рамка, статистичките процеси и резултатите, а сите национални статистички органи што подготвуваат европска статистика се обврзани да ги почитуваат и да ги применуваат овие стандарди.
Фото галерија
Поврзани вести и соопштенија
Состанок со Факултетот за безбедност за утврдување на можностите за идна соработка
Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница
14 фев. 2025
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025
Билатерална посета и продлабочување на партнерството со Шведската статистика
Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.
24 јан. 2025
Потпишан Меморандум за соработка помеѓу Државниот завод за статистика и Комората на сметководители
Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа.
17 јан. 2025
Државниот завод за статистика и Министерството за енергетика, рударство и минерални суровини потпишаа Меморандум за соработка
Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.
15 јан. 2025