Потпишан Меморандум за соработка помеѓу Државниот завод за статистика и Економскиот факултет – Скопје
Соработката има за цел да ги приближи академскиот и јавниот сектор и да овозможи практично искуство за студентите
На 30.04.2025 година, во Скопје, беше потпишан Меморандум за соработка помеѓу Државниот завод за статистика и Економскиот факултет при Универзитетот „Св. Кирил и Методиј“ во Скопје.
Меморандумот го потпишаа директорот на Државниот завод за статистика, д-р Дејан Станков и деканот на Економскиот факултет – Скопје, проф. д-р Предраг Трпески. Со овој документ се воспоставува рамка за стратегиска и долгорочна соработка со цел развој и реализација на активности од заеднички интерес.
Во согласност со Меморандумот, двете институции ќе соработуваат при организирање заеднички конференции, семинари, обуки и проекти; овозможување стручна пракса и посети на студенти во Заводот; размена на предавачи и експерти од релевантните области; поддршка при истражувачки активности и настани поврзани со статистиката и економијата и други иницијативи од заеднички интерес.
Оваа соработка има за цел да го зајакне поврзувањето меѓу академската заедница и јавниот сектор, како и да им понуди на студентите можности за практично учење и примена на стекнатите знаења.
Фото галерија
Поврзани вести и соопштенија
Годишна оценска мисија на Евростат
Од 16 до 18 октомври 2024 година се одржа редовната годишна мисија за оценување на работата на Националниот статистички систем, што ја спроведува Статистичкиот завод на Европската Унија - Евростат
18 окт. 2024
Државниот завод за статистика и UN Women потпишаа Меморандум за разбирање за зајакнување на родовата статистика
„Со производството на веродостојни и навремени статистички податоци разделени по пол придонесуваме за креирање на политики, мерки и активности за подобрување на состојбите на полето на родовата еднаквост“
17 окт. 2024
Средба на директорите на Државниот завод за статистика и Централниот регистар
Во насока на продлабочување и интензивирање на соработката, вчера се одржа координативен состанок на директорите на Централниот регистар и Државниот завод за статистика, г-ѓа Анита Стамнова и г. Дејан Станков.
16 окт. 2024
Координативен состанок на Групата за политики за статистичка соработка
Пристапните преговори и интегрирањето на земјите кандидати за членство во Европската унија зависат од силни и ефективни национални статистички институции
04 окт. 2024
Склучен Меморандум за соработка помеѓу Државниот завод за статистика и Царинската управа
Државниот завод за статистика електронски ќе ги презема податоците за надворешна трговија од Царинската управа. Ова е утврдено со Меморандумот за соработка, што беше потпишан од страна на директорот на Државниот завод за статистика, Дејан Станков и директорот на Царинската управа, Бобан Николовски.
27 септ. 2024