Продлабочување на соработката со УНИЦЕФ
Директорот на Државниот завод за статистика, г. Дејан Станков оствари средба со претставничката на УНИЦЕФ во нашата земја, г-ѓа Лесли Милер и нејзиниот тим, при што беше запознаен со тековите активности на Канцеларијата на УНИЦЕФ во Скопје.
Госпоѓа Лесли Милер се осврна на резултатите што заеднички се постигнати и ја потенцираше важноста на статистичките податоци што ги произведува Заводот во креирањето на политики, мерки и активности за подобрување на состојбата на децата и младите во земјава.
Директорот Станков истакна дека Заводот, во рамките на својот мандат за производство на официјални статистички податоци и како координатор на националниот статистички систем, вложува максимални напори за задоволување на потребите од податоци на сите корисници, и особено ја цени посветеноста на УНИЦЕФ за користење на официјалните статистики при остварувањето на поставените цели.
Стана збор и за идните заеднички активности кои се дел од годишните планови за работа на двете институции и кои се продолжение на веќе воспоставената соработка, како и можностите за проширување на опсегот на активности и постигнување на уште повеќе вредни резултати.
Поврзани вести и соопштенија
Продлабочување на соработката со УНИЦЕФ
Директорот на Државниот завод за статистика, г. Дејан Станков оствари средба со претставничката на УНИЦЕФ во нашата земја, г-ѓа Лесли Милер и нејзиниот тим, при што беше запознаен со тековите активности на Канцеларијата на УНИЦЕФ во Скопје.
15 ноем. 2024
Статистичките податоци усогласени со потребите на корисниците и меѓународните стандарди
Развојната цел на овој проект е официјалната статистика да се користи за креирање на политики кои ќе ги подобрат условите за живеење, како и зголемување на транспарентноста и отчетноста на јавните политики
12 ноем. 2024
Mеѓународна PxWeb конференција
Вчера и денес (7-8 ноември) во Скопје се одржува 33. Меѓународна годишна конференција за корисници за PxWeb и други Px-алатки. Државниот завод за статистика е кодомаќин на настанот, заедно со Статистика Шведска
08 ноем. 2024
Извештај на Европската комисија за напредокот на поглавјето 18 Статистика за 2024 година
Годинава е констатиран дополнителен напредок во Извештајот за поглавјето 18 Статистика, каде што високо ниво на усогласеност е забележано во статистичката инфраструктура, додека во секторските статистики се бележи одреден напредок
05 ноем. 2024
Состанок со Комората на сметководителите
Во просториите на Државниот завод за статистика, се одржа состанок со Комората на сметководителите посветен на унапредување на меѓусебната соработка
01 ноем. 2024