Република Северна Македонија станува член на групата на високо ниво за партнерство, координација и градење капацитети за статистика за агендата за одржлив развој 2030 на ОН
Доц. д-р Дејан Станков, директор на Државниот завод за статистика на Република Северна Македонија, е назначен за член на HLG-PCCB на ОН од јуни 2025 година
Групата на високо ниво за партнерство, координација и градење капацитети за статистика за Агендата за одржлив развој 2030 (HLG-PCCB) е составена од директорите од 22 национални статистички институции кои ги претставуваат континенталните региони на светот, а претседателот на Статистичката комисија на Обединетите нации (UNSC) е член по службена должност.
Главната цел на HLG-PCCB е да обезбеди стратешко водство во решавањето на потребите за статистички капацитети на националните статистички институции во следењето и прегледот на спроведувањето на рамката на индикатори за Агендата 2030 и Целите за одржлив развој (SDGs).
Друга важна одговорност на HLG-PCCB е обезбедување стратешко водство и насоки за организацијата на Светскиот форум за податоци на ОН (UNWDF), вклучувајќи ја неговата програма и резултати.
Одделот за статистика на Обединетите нации ја формираше HLG-PCCB во 2015 година.
Поврзани вести и соопштенија
Годишна оценска мисија на Евростат
Од 16 до 18 октомври 2024 година се одржа редовната годишна мисија за оценување на работата на Националниот статистички систем, што ја спроведува Статистичкиот завод на Европската Унија - Евростат
18 окт. 2024
Државниот завод за статистика и UN Women потпишаа Меморандум за разбирање за зајакнување на родовата статистика
„Со производството на веродостојни и навремени статистички податоци разделени по пол придонесуваме за креирање на политики, мерки и активности за подобрување на состојбите на полето на родовата еднаквост“
17 окт. 2024
Средба на директорите на Државниот завод за статистика и Централниот регистар
Во насока на продлабочување и интензивирање на соработката, вчера се одржа координативен состанок на директорите на Централниот регистар и Државниот завод за статистика, г-ѓа Анита Стамнова и г. Дејан Станков.
16 окт. 2024
Координативен состанок на Групата за политики за статистичка соработка
Пристапните преговори и интегрирањето на земјите кандидати за членство во Европската унија зависат од силни и ефективни национални статистички институции
04 окт. 2024
Склучен Меморандум за соработка помеѓу Државниот завод за статистика и Царинската управа
Државниот завод за статистика електронски ќе ги презема податоците за надворешна трговија од Царинската управа. Ова е утврдено со Меморандумот за соработка, што беше потпишан од страна на директорот на Државниот завод за статистика, Дејан Станков и директорот на Царинската управа, Бобан Николовски.
27 септ. 2024