Државен завод за СТАТИСТИКА

Новости

Состанок со Факултетот за безбедност за утврдување на можностите за идна соработка

Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница

На 12 февруари 2025 година, во Државниот завод за статистика се одржа состанок со деканот проф. д-р Јонче Ивановски и професори од Факултетот за безбедност, на кој се дискутираше за можностите за идна соработка на двете институции.

Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница.

Претставниците на двете институции утврдија неколку области од заеднички интерес во кои може активно да се работи, а кои се однесуваат на можноста експерти од ДЗС да учествуваат на тркалезни маси организирани од Факултетот за безбедност, презентации за студентите на Факултетот за достапноста и користењето податоци од областа на судските статистики, користењето анонимизирани податоци за научноистражувачки цели, пракса за студентите од завршните години на Факултетот и др.

И двете страни се договорија соработката да започне со потпишување Меморандум за соработка во кој ќе бидат прецизирани активностите и временската рамка за нивна реализација.

Фото галерија

Поврзани вести и соопштенија

Претставници на Државниот завод за статистика учествуваа на Европската конференција за квалитет во официјалната статистика Q2026

На конференцијата во Шибеник, претставниците на ДЗС ги презентираа искуствата од користењето на Националната платформа за интероперабилност и учествуваа во дискусиите за квалитетот, иновациите и довербата во официјалната статистика

05 јун. 2026

Трета регионална конференција на сметководители и овластени сметководители „Генерација со визија – Професија со иднина“

Директорот на Државниот завод за статистика, г. Дејан Станков, учествуваше на Третата регионална конференција на сметководители и овластени сметководители „Генерација со визија – Професија со иднина“, организирана од Институтот на сметководители и овластени сметководители

07 мај 2026