Државниот завод за статистика се вклучи во „Генералка викенд 2025“
Како општествено одговорна институција, ДЗС активно учествува во „Генералка викенд 2025“ за создавање почиста и поздрава урбана средина
Во рамките на националната екоиницијатива „Генералка викенд 2025“, вработените од Државниот завод за статистика активно се вклучија во акцијата за чистење и уредување на околината. На 9 мај, тимот на Заводот посветено го исчисти просторот околу зградата на институцијата, придонесувајќи за поздрава и почиста урбана средина.
Со оваа активност, Државниот завод за статистика како општествено одговорна институција ја потврди важноста на колективниот ангажман во зачувувањето на животната средина. Настанот помина во позитивна атмосфера, во колегијален дух што мотивира создавање поубаво место за живеење и работа.
Заводот и понатаму ќе продолжи да ги поддржува ваквите иницијативи, со цел развивање на свеста за екологијата и одржливиот развој во македонското општество.
Фото галерија
Поврзани вести и соопштенија
Потпишување Меморандум за соработка со Американскиот колеџ
Со ова партнерство, ќе се обезбеди подобра координација и размена на информации меѓу институциите, што ќе овозможи поефикасно користење на статистичките податоци во академските истражувања и образованието.
26 фев. 2025
Состанок на Државниот завод за статистика со Институтот за економски истражувања и политики Finance Think
Целта на состанокот беше дефинирање на активности кои ќе го зголемат обемот на соработка помеѓу Државниот завод за статистика и невладиниот сектор, со посебен акцент на научната и истражувачката заедница.
24 фев. 2025
Средба со Мисијата на Меѓународниот монетарен фонд
Се дискутираше за повеќе теми од областа на националните сметки, инфлацијата, популациските и миграциските трендови, деловните и социјалните статистики, како и за идните активности на Заводот во насока на хармонизирање со меѓународните статистички стандарди
21 фев. 2025
Средба на директорот на Државниот завод за статистика со постојаната координаторка на Обединетите нации
Главниот фокус на средбата беа Целите за одржлив развој и улогата што ја има во оваа област во државата Заводот за статистика
20 фев. 2025
Состанок со Факултетот за безбедност за утврдување на можностите за идна соработка
Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница
14 фев. 2025