Државниот завод за статистика учествуваше на состанок на Групата за статистичка соработка во Кишинев
Разгледани приоритетите за усогласување со ЕУ и идната статистичка соработка
Делегацијата на Државниот завод за статистика (ДЗС), предводена од директорот д-р Дејан Станков, учествуваше на годишниот состанок на Групата за политика за статистичка соработка (PGSC), што се одржа на 22 и 23 септември во Кишинев, Молдавија, организиран од Евростат, а домаќин беше статистичкиот завод на Молдавија.
На дводневниот состанок учествуваа претставници на Евростат, Европската комисија и националните статистички институти од земјите од проширувањето за да разговараат за стратегиските приоритети и развојот во Европскиот статистички систем (ЕСС).
На состанокот учествуваше и директорката на Евростат, г-ѓа Маријана Коцева, која даде поддршка на дискусиите од дневниот ред.
Дневниот ред се фокусира на широк спектар теми клучни за понатамошно усогласување на земјите од проширувањето со правото на ЕУ што се однесува на статистиката вклучувајќи ги: развојот и улогата на статистиката во процесот на проширување на ЕУ и во Европскиот статистички систем (ЕСС), напредокот и предизвиците за достапноста, производството и дисеминацијата на статистичките податоци, најновите случувања и националните планови на земјите од проширувањето за усогласување со статистичките барања на ЕУ, приоритетите за земјите од проширувањето за периодот 2028 – 2034 година, најновите искуства од партнерските оценувања, користењето на вештачката интелигенција во статистиката и сл.
Учеството на делегацијата на ДЗС на овој состанок ги потврди силната посветеност на Заводот кон процесот на европска интеграција со усогласување на статистичкиот систем со стандардите на ЕУ и активниот придонес во дијалогот за иднината на статистичката соработка.
ДЗС ги презентира неодамнешните поважни случувања во Националниот статистички систем, како и приоритетите поврзани со пристапувањето кон ЕУ. Особено голем интерес предизвика презентацијата на користењето на вештачката интелигенција од страна на ДЗС.
Фото галерија
Поврзани вести и соопштенија
Едукативна поддршка од Државниот завод за статистика за нашите олимпијци на претстојната Меѓународна економска олимпијада
Со анализа на клучните економски индикатори во презентација, ДЗС даде придонес во подготовката на учениците за Меѓународната економска олимпијада
08 јул. 2025
Република Северна Македонија станува член на групата на високо ниво за партнерство, координација и градење капацитети за статистика за агендата за одржлив развој 2030 на ОН
Доц. д-р Дејан Станков, директор на Државниот завод за статистика на Република Северна Македонија, е назначен за член на HLG-PCCB на ОН од јуни 2025 година
30 јун. 2025
Статистиката како алатка за еднаквост: Државниот завод за статистика на конференцијата „EqualXchange“
ДЗС со силна поддршка на еднаквите можности – презентирани клучни податоци и насоки на конференцијата „EqualXchange“ на тема „Empowering Ideas, Inspiring Journeys“
16 јун. 2025
Статистичка конфренција „25 години родови статистики"
Конференцијата се одржа во рамките на одбележувањето на јубилејот 80 години од основањето на Државниот завод за статистика, со што се нагласи континуираниот придонес на институцијата за развојот на официјалната статистика
04 јун. 2025
Свечена академија „80 години Државен завод за статистика“
Од рачно собрани податоци до современи дигитални платформи, од статистички годишници во хартиена форма до отворени бази на податоци достапни за сите граѓани – патот што го изоде официјалната статистика е навистина импресивен
03 јун. 2025