Новости

Mеѓународна PxWeb конференција

Вчера и денес (7-8 ноември) во Скопје се одржува 33. Меѓународна годишна конференција за корисници за PxWeb и други Px-алатки. Државниот завод за статистика е кодомаќин на настанот, заедно со Статистика Шведска

Вчера и денес (7-8 ноември) во Скопје се одржува 33. Меѓународна годишна конференција за корисници за PxWeb и други Px-алатки. Државниот завод за статистика е кодомаќин на настанот, заедно со Статистика Шведска, а честа да ја отвори Конференцијата ја имаше директорот на Заводот, г. Дејан Станков.

Конференцијата е хибриден настан со учество на повеќе од 130 делегати од различни земји.

PxWeb е популарна алатка за дисеминација на статистика на интернет. Таа е развиена од страна на Статистика Шведска и Статистика Норвешка со поддршка од Финска и Данска. Се користи во повеќе од 40 земји и повеќе од 100 организации. Една од главните силни страни за PxWeb е тоа што е кориснички ориентирана и обезбедува убав и лесен интерфејс за прикажување статистики на интернет.

Државниот завод за статистика е меѓу пионерите во користењето на оваа алатка преку презентирање на табелите во Макстат базата на податоци. Заводот континуирано ги следи и ги применува сите подобрувања и унапредувања на PxWeb и другите Px-алатки со што се овозможува голема достапност на сите статистички податоци што ги произведува Заводот и нивно лесно користење.

Фото галерија

Поврзани вести и соопштенија

Состанок со Факултетот за безбедност за утврдување на можностите за идна соработка

Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница

14 фев. 2025

Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“

Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)

06 фев. 2025

Билатерална посета и продлабочување на партнерството со Шведската статистика

Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.

24 јан. 2025

Потпишан Меморандум за соработка помеѓу Државниот завод за статистика и Комората на сметководители

Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа. 

17 јан. 2025